top of page

I dag vil eg bada, sa ho

av Siri Bjorstad Hjermann.


Kvinne og mann bader med paraply, av Alfred Grévin.

I dag vil eg bada, sa ho

til han som slo floke og lo:

Det haglar jo kjære,

ta omsyn til været,

du er ikkje fru Eskimo!


Du må ikkje tru eg held opp,

mitt vann-vidd vil aldri sei stopp;

Om det stormar frå nord,

sjølvsagt skal eg i fjord,

for gåsehud kviknar min kropp!


Å bu i ein by lengst mot vest,

der vêrgudar ofte held fest,

er slett ikkje ille

for badeglad frille,

ho trivast i bølger og blest.


Ja, helst vil ho bada i vêr

med bølger som flaksande fjær.

Herr Poseidon, Herr Njord,

kvar ein stormande lord,

veit å stille ei kvinnes begjær.


I dag skal me bada, sa ho,

og han kjende frosten si klo.

Fyren bleikna av skrekk,

mens han ønskte seg vekk;

Så smilte han vagt: Après vous!